باڵوێز ئەمریکا ئەرا بارزانی: کوردستان نموونەی ئارامی و ئەوزەڵکردنە لە عراق
شەفەق نیوز/ مەسعود بارزانی سەرکردەی کورد، ئمڕوو دووشەممە، وگەرد ماسیۆ تولەر باڵوێز ئەمریکا گردەو بوی.
نووسینگەی بارزانی لە بەیاننامەیگ وت: هەردووگ لایەنەگە باس رەوشەیل سیاسی و هەڵبژاردن هاتگ عراق و مەترسی و سەختیەیل نوای کار سیاسی لە عراق کردن.
لەلای خوەییش باڵوێز ئەمریکا سەرەخوەشی لە بارزانی کرد ئەرا شەهیدبوین ژمارەیگ لە هێزەیل پێشمەرگە وەدەس چەکدارەیل پەکەکە، و دووپات کرد لە گرنگی داین وڵاتەگەی وە ئاسایش و ئارامی هەرێم کوردستان و عراق.
تولەر وتیش؛ هەرێم کوردستان وەرانوەر ئەو ناوچەیل عراق نموونەیگە ئەرا ئارامی و ئەوزەڵکردن.
کۆبونەوەگە هەمیش باس گامەیلیگ کرد ئەرا دووارە رێکخستن پێشمەرگە و چاکسازی لە وەزارت پێشمەرگە، و هەمیش وبەرزی ئەرزشدار داناین ناوەندەیل هەماهەنگی لەناوبەین پێشمەرگە و هێزەیل عراق لە نواگردن تیرۆر کرد
هەردوگ لاگە هەمیش باس لە ئاست زانکۆیل کوردستان وتەقەلای گەشەکردنیان و کارەگەرییان لەبان دویارووژ هەرێم کردن.
