بڵاوبوین بیماری هەوکردن مێشک...تەندروسی کوردستان لیژنەیگ کلکەێدە هەڵەبجە
2023-04-25T07:11:04+00:00
شەفەق نیوز/ وەزارەت تەندروسی هەرێم کوردستان، رووژ دووشەممە، ليژنەیگ پزیشکی دروسکرد ئەرا وەدویاچگن بیماری هەوکردن مێشک لە هەڵەبجە.
وەزارەتەگە لە بەیاننامەیگ رەسیە ئاژانس شەفەق نیوز وت، " لیژنەیگ پزیشکی سەردان خەسخانەیل پارێزگای هەڵەبجە کردنە ئەرا پەیاکردن هووکار بڵاوبوین بیماری هەوکردن مێشک لە مابەین زاڕووەیل".
پارێزگای هەڵەبجە چەن رووژیگە وە شیوەی بەربڵاو بیماری هەوکردن مێشک لەمابەین زاڕوویەیل بڵاوبویە.
وەڕێەوبەرایەتی تەندروسی هەڵەبجە، رووژ شەممە، راگەیان خەسخانەیل زاڕوویەیل لە هەلەبجە هویچ بیمارییگ وەرنیەگرێد لەوەر بڵاوبوین بیماری هەوکردن مێشک.
تەندروسی هەڵەبجە لە بەیانامەیگ رەسیە ئاژانس شەفەق نیوز وت" وە داخەو لە دویای ئەوەگ شمارەی فرەیگ لە زاڕوو هاوریانە خەسخانەی هەڵەبجە لەوەر بیماری هەوکردن مێشک، قەیەغەی هاتن بیمار کەێمن ئەرا خەسخانەگە".
وڕێەوبەر گشتی تەندروسی هەڵەبجە لەبەیانیگ راگەیان، شمارەی بیمارەیل تویشبووی رەسیەس 40 زاڕوو، و شمارەگە بەرەوبویە.
