ئاهەنگەیل ئەرمەن وە جەژن مەسیح لە کوردستان.. وینە
شەفەق نیوز/ مەسیحیەیل ئەرمەن لە پارێزگای دهۆک لە هەرێم کوردستان، ئمڕوو پەنجشەممە، ئاهەنگ جەژن زایینی مەسیح کردن، ک وەگورەی رووژنامەی خوەرئەڵات کەفێدە ٦ کانوون دۊیەم.
بروانت ئەمینیان وەرپرس دەسەی ئیداری کلیسەی ئەرمەن لە دهۆک ئەرا ئاژانس شەفەق نیوز وت: ئەرمەن لە کەشوهەوای ئارامیگ وە رسوومەیل ئاینی لە چوار کلیسەیل ئەرمەن لە شارەیل دهۆک و زاخۆ وەڕیەو بردن.
ودیاری کرد ک ئەرمەنی هەکاتی مەسیحیەیلە وەگشتی لە عراق زیان لە ستەم و تونەڕەوی وەخوەیان دین، ک ناچاریان کرد ئەل پارێزگایلیگ تر پەنا وە هەرێم کوردستان بوون.
وتیش: شمارەی خیزانریل ئەرمەن لە شار دهۆک ئەوسا بیس خیزان بۊین، و دۊیای گلەوخواردنیان لەو پارێزگایلە وەرەو دهۆک، شمارەیان رەسیە نزیکەی ١٠٠ خیزان، و زیاتر لە ١٦٠ خیزان ئەرمەن لە زاخۆ.
وەرپرس دەسەی ئیداری کلیسەی ئەرمەن باس ئەوەیش کرد ک شمارەی ئەرمەن رەسێدە چوار هەزار کەس، و لە عراق زیاتر لە ١٠ هەزار نییە، و ئەوسا شمارەیان رەیادە زیاتر لەە بیس هەزار ئەرمەنی.
