ئاماریگ فەرمی...حکومەت عراق 33 ملیۆن لیتر نەفت چەرمگ ئەرا هەرێم کوردستان کلکردیە
2024-02-15T12:54:26+00:00
شەفەق نیوز/ وەزارەت سامانە سروشتیەگان هەرێم کوردستان، ئمڕوو پەنجشەممە، دووپاتکرد لە وەردەوامی پرۆسەی بەشەوکردن نەفت چەرمگ وەبان ماڵەیلە، دیاریکرد حکومەت فیدڕاڵی تا ئیسە 33 مڵیۆن لیتر لەی مادە ئەرا هەرێم کوردستان کلکردیە.
وەزارەتەگە لە ئاماریگ ئمڕوو بڵاویکرد وت، تا ئیسە نزیکەی 250 ملیۆن لیتر نەفت چەرمگ وەبان هاوڵاتیەیل بەشەوکردیە.
ئەنجومەن وەزیرەیل عراق، لە کۆتایی ساڵ 2023، بڕیاردا نرخ نەفت چەرمچ ئەرا هەرێم کوردستان هەرزانەو بکرێد.
