عراق هەڵکەنین بیر نەفت نوویگ لە باشوور تەواوکرد
2023-08-11T12:03:00+00:00
شەفەق نیوز/ وەزارەت نەفت عراقی، ئمڕوو جومعە، راگەیان کۆمپانیای هەڵکەنین عراقی پرۆسەی هەڵکەنین بیرە نەفتیگ تەواوکردیە لە ناسریە/٦٠ لە پارێزگای زیقار باشوور وڵاتەگە.
وەپای بەیانیگ ک لە وەزارەتەگە دەرچیە، قویلی بیرەگە ٢١١٠ مەترە لە چوارچمگ کارەیل پرۆژەی " تەکوین موشرف"ە ئەرا ئەو گرێبەستە وەگەرد کۆمپایای نەفتی زیقار کردیە ک هەڵکەنین ٢٠ بیرە نەفت لە کێڵگەیل نەفتی ناسڕیە گرێدەخوەی، وە هاوکاری وەگەرد کۆمپانیای وزەر فۆرد ئەرا خزمەتگوزاری نەفتیەیل.
لە بەیاننامەگەی ئاشکەرایکرد کارەیل هەڵکەنین بیرەگە وە وەکارهاوردن دەزگای هڵکەنین ٤٦ IDC تەواوکریایە ک توان هاز 1000 ئەسپ داشتیە ، ئیە چواردەهەمین بیرەنەفتیە ک کۆمپانیاگە لە چوارچمگ گرێبەسەگەی تەواوی کەێد.
