ئاسایش هەولێر کابرایگ دەسگیر کەێد دەسدرویژی لەبان رووژنامەنویسیگ کردیە

وەڕیەوبەرایەتیەگە لە بەیانامەیگ رەسیە ئاژانس شەفەق نیوز وت: دویای بڵاوبوین خەوەریگ لەبان سۆشیال میدیا وە دەسدرویژکردن لەبان رووژنامەنویسیگ لەناو بازاڕ شار هەولێر، تیمەیلمان رەسینە شوین رویداوەگە، و دەسکردنە لێکۆڵینەوە، دەرکەفت کەسیگ وەناو  (ك.س.ع) دەسدرویژی لەبان رووژنامەنویسیگ کردگە، وتیش: ئەو کەسە دەسگیر کریا و دریا دەس دادگا.

وەڕیەوبەرایەتیەگە لە بەیانامەگەی دووپات کرد ک شار هەولێر وەگەرد ئەوە ک شار ئاشتی و وەیەکەوژیانە، هەمیش ناوەند راگەیانن ئازاد و سەروەخوەییە، و راگەیانکار جویر گشت چینەیل کۆمەڵگا مافی مقیەتی کریاگە.