ئاسایش سلێمانی ئاشکرای قوربانی بوین یەکیگ لە ئەندامەیلی کەێد و باس مرافەگە کەێد
شەفەق نیوز/ وەڕێۆبەرایەتی ئاسایش لە پارێزگای سلێمانی، ئمڕوو چوارشەممە، دووپات کرد لە کەفتن یەک قوربانی لە هێزەگانی لە مرافەیگ وەگەرد بڕیگ لە هێزەیل پێشمەرگە لەلای خاڵ تاسلوجە، و هەمیش راگەیان وازکردن لێکۆڵینەوەیگ وە رووداوەگە و هەواڵەکردن خاوەن هووکارەیل رووداوەگە ئەرا دادوەری.
وەڕێۆبەرایەتیەگە لە بەیاننامەیگ وت: شەوەکی ئمڕوو چوارشەممە ٢٠٢١/٢/١٠ لە ساعەت ١٠:٣٠ ، لەلای خاڵ تاسلوجەی سەروە وەڕێۆبەرایەتی ئاسایش سلێمانی، لەمەوقەی رەدبوین ماشینیگ سەروە پێشمەرگە، مرافەیگ وە قسەکردن کەفتە ناوبەین پێشمەرگە و ئەندامەیل خاڵەگە.
بەیاننامەگە ئاماژە کرد ک ژمارەیگ لە ئەندامەیل ئاسایش کەفتنە وەر پەلامارەیگ وە چەک چەرمگ، و لەوەری زەخمدار بوین، و باس لە خەفەتی لە مردن (عەریف/ شاخەوان ئەحمەد مەحمود) کرد، ک یەکیگە لە ئەندامەیل ئاسایش، و زەخمداربوین پەنج تر لە ئەندامەیل وەڕێۆبەرایەتیەگە لە خاڵەگە.
وەگورەی بەیاننامەگە، وە تەقەلای گشت لایەنەگان، کۆتایی وە مرافەگە هاوریا، و وەکوتپڕ دەسەیگ لێکۆڵینەوە دروس کریا، تا یاسا شوون خوەی بگرێد، و ئاماژە کرد ک دوو لایەن خاوەن هووکارەیل گرفتەگە وە فەرمان دادوەر بەندین کریان.
