پارتی درووزن سیناریۆی فیلمیگ ئیرانی دەربارەی تەقەلای داگیرکردن هەولێر لەلایەن داعش کەێد

پارتی درووزن سیناریۆی فیلمیگ ئیرانی دەربارەی تەقەلای داگیرکردن هەولێر لەلایەن داعش کەێد
2021-01-23T08:46:55+00:00

شەفەق نیوز/ پارت دیموکرات کوردستان وە سەرۆکایەتی سەرکردەی کورد مەسعود بارزانی، ئمڕوو شەممە، درووزن سیناریۆی فیلمیگ بەڵگەیی لە بەرهەم ئیران کرد، ک رووداوەیلی باس لە تەقەلای داگیرکردن شار هەولێر لە تاوسان ساڵ ٢٠١٤ لەلایەن ریخریاگ داعش کەێد.

عەلی عەونی ئەندام سەرکردایەتی حزبەگە لە وەڵامدانی لەبان باس فیلمەگە وە پۆستیگ لەبان ماڵپەڕەیل پەیوەندیە کۆمەڵایەتیەگان وت: ئەیە دروو ئاشکرایگە.

لەلای خوەییش پێشەوا هەورامی قسەکەر وەناو فراکسیۆن پارتی لە پۆستیگ لەبان فەیسبووک نووسان: هەزاران دۆلار لەبان ڤیدیۆیگ بڕۆپاگندە خەرج کریاگە، وە ئامانج زەرەدداین لە چیرۆک و خەبات و مێژوو بارزانی.

ئیوارەی دوێەکە جمعە، ئیران فیلمیگ بەڵگەیی پەخش کرد و رووداوەگانی باس لە دەسمیەت ئیران ئەرا هەرێم کوردستان کەن،، هەنای ریخریاگ داعش لە دەورگرد هەولێر نزیکەو بوی، و گوایە قاسم سولەیمانی چگە ئەرا هەولێر ئەرا وسانن چگن ئەندامەیل داعش وەرەو هەولێر.

هەمیشە وەرپرسەیلیگ پایەبەرز ئیرانی باس لە نواگردن کەفتن هەولێر وەدەس داعش لەلایەن سولەیمانی کەن، هەکاتی دویرەوخستن هەڕەشەیل ریخریایەگە لە بەغداد و دیمەشق.

مەسعود بارزانی سەرکردەی کورد، دووپات کەێد ک ئیران دەسمیەتی هەرێم کوردستان لە نواگردن داعش داگە، بەڵکم لە خود وەختەگە ئەو گەزافەیلە لە پەیوەندیە تەلەفۆنیەگان لەناوبەین خوەی و قاسم سولەیمانی لەو وەختە درووزن کەێد.

Shafaq Live
Shafaq Live