پارتی ئاشکرای ووردەکاریەیل پەلامارەگە لەبان بارەگاگەی لەسلێمانی کەێد
شەفەق نیوز/ شێخ محمد ئەندام دەسەی مەرکەزی لە پارت دیموکرات کوردستان لق سلێمانی، ئمڕوو شەممە، ئاشکرای ووردەکاریەیل پەلامارەگە لەبان بارەگای حزبەگە کرد.
شێخ محمد ئەرا ئاژانس شەفەق نیوز وت: چوار چەکدار نەناسریاگ وەماشینیگ فۆر وییل مارکەی لاندگرووز، شەوەکی ئمڕوو، پەلامار بارەگای پارت دیموکرات کوردستان لە شار سلێمانی دان، ودیاری کرد ک سێیان لە لیان لە ماشینەگە داوەزیان و تەقە وەرەو بارەگاگە کردن.
وتیش؛ پەلامارەگە تەنیا بویە هووکار زەرەدەیلیگ دارایی، و هیچ زەخمداربوینیگ لەلی نەویەو، و ئاماژە کرد ک ئاگادارییگ لەلای ناوەند پۆلیس تۆمار کردن، وەبی توومەتکردن لایەنیگ وە پەلامارەگە.
محمد وتیش؛ ئەیە یەکەم جار نییە ک بارەگای پارت دیموکرات کوردستان بکەفێدە وەر پەلاماریگ چەکدارانە، و دووپات کرد ک وەرجەیە هەمیش ئاگادار پۆلیس کردیمن، بەڵکم تا ئیسە نەڕەسینەسە ئەو کەسەیلە یا ئەو لایەنەیلە ک پەلامارمان دەن.
