پارێزگایگ لە هەرێم کوردستان لە ساڵ ٢٠٢٢ هویچ تاوانیگ کوشتن لەناوی نەویە
موقەدەم بەرزان عوسمان قسەکەر پولیس هەڵەبجە لە کۆنگرەیگ رووژنامەوانی وت: دوو تاوان کوشتن لە ساڵ ٢٠٢٢ توومار کریا، و تاوانکارەیل دەسگیر کریان و هەواڵی دادوەری کریانە، و دیاری کرد ک دەو تاوانەگە لە دەیشت ناوەند پارێزگای هەڵەبجە جیوەجی کریانە، و خوەشبەختانە هویچ تاوانیگ کوشتن لەناو شارەگە توومار نەکریاگە.
وتیش: ١٧ باوەت تەقەلای کوشتن، و چوار لەش ئاگردان، و ٣١ باوەت تونوتیژی خیزانی، و ٧٨ باوەت تونوتیژی لەبان ژن توومار کریاگە.
موقەدەم عوسمان وتیش: ٣١ باوەت دەسدرویژکردن لەبان فەرمانبەرەیل، و ٩ باوەت گەیاکردن، و دوو باوەت کردەوەی نا رەوشتی، و ١٠٩ باوەت دەسوەشانن، و ١٤٦ باوەت هەڕەشە، و ١١٣ باوەت دزیکردن، و ٢٠ باوەت چەک یی مووڵەت، و دوو باوەت مردن قەزا و قەدەر توومار کریایە.
لە باوەت رویداوەیل هاتوچو، قسەکەر هاتوچو هەڵەبجە وتیش: ٨ مردن، و ٦٨ زەخمداری، و ٨٧ رانین بی مووڵەت توومار کریاگە.
