کارەبای کوردستان کەفێدە ئامادەباشی ئەرا نواگردن لافاوەیل

شەفەق نیوز/ وەزارەت کارەبا لە حکومەت هەرێم کوردستان، ئمڕوو یەکشەممە، فەرمان وە کادرەیلی دا بکەفنە ئامادەباشی ئەرا نواگردن لافاوەیلیگ ک هاتێ روی لە هەرێم کوردستان بکەن.

ئەوەیش لەناو گردەوبوینیگ وەلایەن وەزارەتەگە، لەناوی باس ئامادەکاریەیل نواگردن ئەو لافاوەیلە هات ک هاتێ لە هەرێم کوردستان بوون، وەگورەی بەیاننامەیگ رەسیە ئاژانس شەفەق نیوز.

کەمال محمد وەزیر کارەبا فەرمان دادە گشت کادرەیل وەزارەتەگە تا بکەفنە ئامادەباشی مەوقەی واران وارین و رویکردن لافاو، ک کاریگەری لەبان تەڵ و محولەیل کارەبا لەناو گەڕەکەیل دیرێد.

وەرجەیە، پارێزگای هەولێر پایتەخت هەرێم کوردستان، جیوەجیکردن بڕیگ لە ریکارەیل ئەرا نواگردن لافاوەیل ئمساڵ راگەیان.