کوشتن کەسیگ و زەخمداربوین دووان لە بەغداد ژنیگ هاناویان
شەفەق نیوز/ سەرچەوەیگ ئەمنی، ئمڕوو دووشەممە، خەوەردا لە زەخمداربوین ژنیگ وەگولەی وڵیگ لە بەغداد پایتەخت، و لەیەک لای تر مەفرەزیل پۆلیس کابرایگ دەسگیر کردن تەقە وەرەو دوو کەس کردگە، یەکیگیان کوشتگە و ئەواکە زەخمدار بویە.
سەرچەوەگە ئەرا ئاژانس شەفەق نیوز وت: ژنیگ لە نزیک چێشتخانەی جیڤاڕا لە ناوچەی مەنسوور ری کردیاد، وەناکاوەو کەفت، و هەنای مەردمەگە وەرەوپی چگن تا بڕەسنە دادی، نووڕستن زەخمدارە و خەڵپان خوین بویە.
سەرچەوەگە وتیش؛ ژنەگە وەرەو خەسەخانەی یەرموک بریا، و زەخمەگەی سەختە.
لە شوونیگ تر لە بەغداد پایتەخت، مەفرەزیل پۆلیس و هاوکاری لیوای چوارەم لە پۆلیس فیدڕاڵی، کابرایگ دەسگیر کردن تەقە وەرەو دوو کەس کەردگە، یەکیگیان کوشتگە و ئەواکە زەخمدار کردگە.
وەڕێۆبەرایەتیەگە دیاری کرد ک دویای رەسین خەوەر رووداگە، قسەیل زەخمدارەگە واژوو کریان، وەکوتپڕ جوولە کردن و یەکیگ لە توومەتبارەگان دەسگیر کردن،ک وەئاشکرایی باس تاوانەگەی خوەی وە تەقەکردنەگە کرد، لەوەر مرافەی وەرینیگ لەبان بڕیگ کەموتەر، و ریکارە یاساییەگان وەدژی بریان.
