کوشیان و زەخمداری ١٠ کەس وە پەلاماریگ چەکدار لە دیالە
2023-02-20T12:25:06+00:00
شەفەق نیوز/ سەرچەوەیگ ئەمنی لە دیالە، ئمڕوو دووشەممە، خەوەردا لە کوشیان و زەخمداری ١٠ مەدەنی وە پەلاماریگ چەکدار لە دەورگرد قەزای خاڵس.
سەرچەوەگە ئەرا ئاژانس شەفەق نیوز وت: چەکدارەیلیگ نەناسریاگ وە چەک کلاشینکۆف پەلامار کشاوەرزەیلیگ لەناو بووسانیان لە ئاوای بو بالی لە قەزای خاڵس دان.
وتیش: پەلامارەگە بویە هوکار کوشیان ٧ کەس، دوو ژن ها ناویان، و زەخمداری سێ کەسیش، بریانە خەسەخانەی خاڵس.
سەرچەوەگە دیاری کرد ک وەگورەی زانیاریەیل سەرەتایی، پەلامارەگە توڵەسەنین هووزانەی کوینەس نەگ تیرۆر، وتیش: هیزیگ ئەمنی رەسیە شوین رویداوەگە وەمینەی جیوەجیکەریل پەلامارەگە.
