کوشیان کەسیگ وە پەلاماریگ چەکدار لە زیقار
2023-08-09T13:49:08+00:00
شەفەق نیوز/ سەرچەوەیگ ئەمنی لە پارێزگای زیقار، ئمڕوو چوارشەممە، خەوەردا لە کوشیان هاوڵاتییگ وە پەلاماریگ چەکدار لە باشوور پارێزگاگە.
سەرچەوەگە ئەرا ئاژانس شەفەق نیوز وت: چەکدارەیلیگ نەناسریاگ لەناو ماشینیگ ساڵۆن تەقە لە هاووڵاتییگ لەبان جادەی گشتی لە ناوچەی بو عەزم باشوور شار ناسریە کردن، ک وەکوتپر گیانی لەدەسدا.
سەرچەوەگە دیاری کرد ک تاوانکارەیل وەرەو شوین نادیاریگ واینە، و دەزگایل ئەمنی تەرم قوربانیەگە ئەرا پزشک دادوەری بردن، و لێکۆڵینەوە لە رویداوەگە واز کردن.
