لەبان بازی تووپان.. کوشیان گەنجیگ لە باشوور عراق
2023-07-15T07:43:48+00:00
شەفەق نیوز/ سەرچەوەیگ ئەمنی لە پارێزگای زیقار باشوور عراق، ئمڕوو شەممە، خەوەردا لە کوشیان گەنجیگ وە پەلاماریگ چەکدار باشوور شار ناسریە.
سەرچەوەگە ئەرا ئاژانس شەفەق نیوز وت: گەنجیگ لە ئاوای جماملە لە ناحیەی عکێکە باشوور پارێزگای زیقار وە گولە کوشیا، ئەوەیش لەبان دەمەقاڵیگ لە بان بازی تووپان دویەکە.
سەرچەوەگە دیاری کرد ک تاوانکارەگە وەرەو شوین نادیاریگ وایە، و تەرم قوربانیەگە ئەرا پزشک دادوەری بریا.
