کوشیان سێ کەس وە رویداوەیلیگ جیاجیا لە سێ پارێزگای عراق
شەفەق نیوز/ سەرچەوەیگ ئەمنی لە پارێزگای سەڵاحەدین، ئمڕوو چوارشەممە، خەوەردا لە کوشیان کراکاریگ وە رمیان خوەڵ لە پڕۆژەی ئاوەڕۆی تەندروسی لە باشوور خوەرهەڵات تکریت، و گەنجیگیش وە تەزیان کارەبا لە باشوور مووسڵ گیانی لەدەسدا.
سەرچەوەگە ئەرا ئاژانس شەفەق نیوز وت: کراکاریگ وە رمیان خوەڵ لە پڕۆژەی ئاوەڕۆی تەندروسی لە ناوچەی قەلعە لە پڕۆژەی ئاوەڕۆی تەندروسی لە ناوچەی قەلعە لە پڕۆژەی ئاوەڕۆی سامەڕا گیانی لەدەسدا.
سەرچەوەگە وتیش: تیمیگ لە وەزارەت تەندروسی و وەرگری شارستانی تەرم کراکارەگە دراوردن و ئەرا پزشک دادوەری کلی کردن، و دەسەڵاتەیل ئەمنی لێکۆڵینەوە لە رویداوەگە واز کردن.
لەلاییگتر، سەرچەوەیگ ئەمنی لە پارێزگای نەینەوا خەوەردا ک گەنجیگ لە ناو تەمەن بیس ساڵان وە تەزیان کارەبا گیانی لەدەسدا، هەناێ لەناو ناحیەی شۆرە لە باشوور شار مووسڵ کار کردیە.
لە بەغداد، کەسیگ وە رویداو پلیان ماشینەگەی لە چواڕیان عامریە گیانی لەدەسدا.
