کوشیان سەربازیگ و مردن باوگیگ وزەخمداری کوڕەگەی وە دوو رویداو لە عراق
شەفەق نیوز/ سەرچەوەیگ ئەمنی لە پارێزگای سەلاحەدین ئمڕوو سێشەممە خەوەردا لە کوشیان سەربازیگ لە بارودۆخ نادیاریگ.
سەرچەوەیگ وە ئاژانس شەفەق نیوز خەوەردا، سەربازیگ لە فەوج کۆماندۆ ئۆپراسیۆنەیل سامەرا-2 ک لە دەوروبەر قەزای بەلەد باشوور سەڵاحەدین جیگیربویە لە مەوقەی ئەرکەگەی لە خاڵیگ ئەمنی وە کوشیایی پەیاکریایە، وتیش سەربازەگە تەقە لە سینگ خوەی کردیە خوەیکوشتیە.
وتیش، لەدویای کلکردن تەرم سەربازەگە ئەرا پزیشک دادوەری، لە ئەنجام لێکۆلینەوە گومان کریەێد خوەی نەکوشتیە بەڵکم کوشیایە دویای ئەوە دەسکریایە وە لێکۆلینەوە لە رویداوەگە، دیاریکرد ئەفسەریگ و سێ سەرباز لە لە خاڵ پاراستن ئاسایشەگە دەسگیرکریانە ئەرا لێکۆلینەوە وەگەردیان.
لەهەمان وەخت، سەرچەوەیگ ئەمنی لە پارێزگای دیالە خەوەردا، لە مردن پیاویگ زەخمداری کوڕەگەی لە رویداویگ هاتوچوی لە دەوروبەر قەزای خانەقین.
سەرچەوەگە وە ئاژانس شەفەق نیوز وت، پیاویگ شەست ساڵان مردیە و کوڕەگەی تویش زەخمداری سەختیگ بویە لەئەنجام لەیەکداین دوو ماشین لە رێ خانەقین-کەلار.
وتیش، تەرم باوگە ئەرا پزشک دادوەری کلکریایە کوڕەگە لەوەر زەخمداری سەختی ئەرا بەغدا کلکریا، دەسلاتدارەیل ئەمنی لێکۆڵینەوە لە رویداوەگە وازکردنە.
