وینە.. کوشیان و زەخمداری ٧ کەس وە رۊداوەیل هاتوچو لە ٣ پارێزگا
شەفەق نیوز/ وەڕێەوبەرایەتی هاتوچو گشتی، ئمڕوو چوارشەممە، راگەیان کوشیان و زەخمداری ٧ کەس وە رۊداوەیل هاتوچو لە پارێزگایل نەینەوا و موسەنا و سەڵاحەدین.
وەڕێەوبەرایەتیەگە لە بەیاننامیگ رەسیە ئاژانس شەفەق نیوز وت: رۊداویگ هاتوچو لە پارێزگای نەینەوا لەبان ری گشتی تەلەعفەر- شەنگال نزیک کارخانەی سیمان شەنگال کەفتە ناوبەین دوو ماشین یەکەمەگە مارکەی تويوتا پاس و ئەوەکە تویوتا کۆرولا تەکسی، لەوەر ئەوە ک کەفتنە رۊوەڕۊ و بۊە هووکار کوشیان کەسیگ و زەخمداری کەسیگتر.
وتیش: رۊداو پلیان ماشینیگ لە پارێزگای موسەنا قەزای خزر کەفت هەنای ماشینیگ بارهەڵگر مارکەی نیسان لەوەر تونی و بیئاگایی رانندەگە، ماشینەگە لەدەسی دەرچگ لەکنار ریەگە پلیا، و دیاری کرد ک ئی رۊداوە بۊە هووکار کوشیان دوو کەس.
و دیاری کرد ک رۊداو سیێەم لەناوبەین دوو ماشێن لە پارێزگای سەڵاحەدین – قەزای دۆر لەبان جادەی سەرکی وەگەرد قەزای تکریت بۊ، ئەوەیش لەناوبەین ماشینیگ مارکەی BYD و ئەوەکە مارکەی دایو برنس، ک بۊە هووکار سێ زەخمداری.
