کوشیان سەرکردەیگ سەر وە رەوت سەدر لەوەر مرافەیگ لەبان پویل لە باشوور عراق
2023-11-12T09:33:53+00:00
شەفەق نیوز/ سەرچەوەیگ ئەمنی، ئمڕوو یەکشەممە، خەوەردا لە کوشیان سەرکردەی دیاریگ لە رەوت سەدر لەوەر گرفتیگ لەبان بڕە پویلیگ لە پارێزگای دیوانیە.
سەرچەوەگە وە ئاژانس شەفەق نیوز وت "سەرکردەیگ لە رەوت سەدر، غەیس دلێمی، وە پەلاماریگ چەکداری لەوەردەم بووسانەگەی کوشیاگە لەناوچەی کویچەی زەیتون لە باشوور شار دیوانیە ناوەن پارێزگاگە".
سەرچەوەگە وتیش،"هووکار پەلاماردانەگە لەوەر گرفتیگ بوویە لەبان پویل وەگەرد کەسوکارەگەی، وتیش"، "هیزەیل ئەمنی ئاخڵەی شوین رویداوەگە دانە و تەرمەگەی ئەرا پزیشک دادوەری کلکردنە و دەسکردنەس وە مینەکردن تاوانبارەیلە".
