کوشیان دوو گەنج و کوڕیگ وە دوو رویداو جیاجیا لە کەرکوک و سەڵاحەدین
2023-09-25T11:22:59+00:00
شەفەق نیوز/ دوو سەرچەوەی ئەمنی لە کەرکوک و سەڵاحەدین، ئمڕوو دووشەممە، خەوەردان لە کوشیان سێ کەس مەدەنی وە دوو رویداو جیاجیا لەو دوو پارێزگا.
سەرچەوەیگ ئەرا ئاژانس شەفەق نیوز وت: کوڕیگ لە تەمەن ١٠ ساڵان گیانی لەدەسدا، لە ئەنجام کەفتن دەروازەی گەراجیگ وەبانی لەناو ماڵەگەی لە گەڕەک حوریە لە شار کەرکوک، و دیاری کرد کە تەرمەگەی ئەرا پزشک دادوەری بریاد، و دەسەڵاتەیل لێکۆڵینەوە لە رویداوەگە واز کردن.
لە سەڵاحەدین، دوو گەنج وە رویداویگ هاتوچو ناوەین سامەڕا و تکریت گیانیان لەدەس دان.
سەرچەوەیگ ئەمنی ئەرا ئاژانس شەفەق نیوز وت: ئەو دوو گەنجە دویای پلیان ماشینیان لەبان ری سامەڕا و تکریت لە ناوچەی سموم باشوور تکریت گیانیان لەدەس دان.
