کوشیان سێ کەس وە رویداوەیلیگ جیاجیا لە سێ پارێزگا
لە دیالە، سەرچەوەیگ ئەمنی، ئمڕوو سێشەممە، خەوەردا لە کوشیان گەنجیگ وە رویداویگ هاتوچو لە خوەرھەڵات پارێزگاگە.
سەرچەوەگە ئەرا ئاژانس شەفەق نیوز وت: گەنجیگ لە ئەنجام پلیان ماشینەگەی لەبان ری مەنەلی - بەلەدروز گیانی لەدەسدا.
وتیش: تەرم قوربانیەگە ئەرا پزشک دادوەری بریا و دەسەڵاتەیل هاتوچو لێکۆڵینەوە لە رویداوەگە واز کردن.
لە سەڵاحەدین، گەنجیگ لە دەورگردن قەزای دووزخورماتوو خنکیا.
سەرچەوەگە دیاری کرد ک گەنجەگە مەوقەی تەقەلای مەلوانیکردن لە پڕۆژەی ئاو دووز خنکیا، و تەرمەگە دراوریا و ریکارەیل یاسایی جیوەجی کریا، و لێکۆڵینەوە لە رویداوەگە واز کریا.
لە کەرکوک، لە ئەنجام تەزیان کارەبا گیانی گەنجیگ لەناو تەمەن سی ساڵان نەویەی کار خاسەوکردن لەناو ماڵەگەی ناوڕاس شار کەرکوک گیانی لەدەسدا.
سەرچەوەگە وتیش؛ تەرم قوربانیەگە ئەرا پزشک دادوەری بریا و لێکۆڵینەوە لە رویداوەگە واز کریا.
