لە دوو پارێزگا...کارەبا کۆتایی وە ژیان گەنجیگ تیەرێد و دراوردن تەرم خنكياييگ
2023-08-22T13:36:31+00:00
شەفەق نیوز/ دوو سەرچەوەی ئەمی لە سەڵاحەدین و کەرکوک، ئمڕوو سێشەممە، خەوەردان لە مردن گەنجیگ ە شۆرت کارەبایی، و دراوردن تەرم پیاویگ خنکیاگ کە وەرجە چەن رووژیگ خوەیکوشتیە.
سەرچەوەیگ وە ئاژانس شەفەق نیوز خەوەردا " گەنجیگ سی ساڵان وە کارەبا گیان لەدەسدایە لەمەوقەی کارکردنی لەناو ماڵ خوەی لە دەوروگەرد قەزای سامەرا باشوور خوەرهەڵات شار تکریت، ناوەن پارێزگای سەڵاحەدین".
دیریکرد، تەرم قوربانیەگە ئەرا پزیشک دادوەری کلکریا و لێۆڵینەوە لە رویداوەگە وازکریایە.
هەمیش، لە کەرکوک پۆلیس دەریاوانی تەرم گەنجیگ خنکیاگ دراورد لە قەزای داقوق باشوور پارێزگاگە، وەپای سەرچەوەیگ لە پۆلیس.
سەرچەوەگە وە ئاژانس شەفەق نیوز وت" پۆلیس دەریاوانی تەرم پیاویگ 51 ساڵان دراوردنە کە خوەی فرەدایەس ناو پرۆژەی ئاو داقوق لە 17ی ئاب".
وتیش" مەفرەزەیل دەریاوانی تەرمەگە دراوردنە لە شوینیگ دویر لە رویداوەگە و ئەرا رێکارەیل پێویست بریا ئەرا پزیشک دادوەری".
