کوشیان دوێەت مناڵیگ وە ئاگر گەورەیگ لەناو هوتێلیگ لە کەربەلا.. ڤیدیۆ
2021-07-18T07:58:53+00:00
شەفەق نیوز/ سەرچەوەیگ لە وەڕێۆبەرایەتی وەرگری شارستانی، ئمڕوو یەکشەممە، خەوەردا ک ئاگر گەورەیگ لەناو هوتێلیگ لە شار کەربەلا هەڵسا.
سەرچەوەگە ئەرا ئاژانس شەفەق نیوز وت: ئاگر گەورەیگ لە هوتێل «زەیل حسێن» لە جادەی سیدرە لە شار کەربەلا هەڵسا.
سەرچەوەگە وتیش: تیمەیل وەرگری شارستانی توێنستن هوتێلەگە چووڵ بکەن، و باس خنکانن و تەنگە هەناسی سەختیگ لەلای کەسەیل ناو هوتێلەگە کرد.
سەرچەوەگە دیاری کرد ک یەک دوێەت مناڵ لەوەر دویکەڵە ژهەرینەیل ئاگرەگە گیانی لەدەسدا، و ٧٨ کەس لەناو ئەو هوتێل چوار قاتیە رزگار کریان.
