زەخمداربوین دوو بازیگەر لە یانەیگ وەرزشی وە رووداو تلانن لە هەولێر
2020-12-25T11:11:52+00:00
شەفەق نیوز/ وەڕێۆبەرایەتی هاتوچۆی گشتی لە پارێزگای هەولێر، ئمڕوو جمعە، خەوەردا لە زەخمداربوین دوو بازیگەر لە یانەی وەرزشی برایەتی لە رووداو تلاننیگ لەوەخت لەیەکداین دوو ماشین.
فازڵ حاجی قسەکەر وەناو پۆلیس هاتوچۆ لە بەیاننامەیگ وت: لە ساعەت دەی شەوەکی ئمڕوو، لەبان ری دوو سایدەگە لەناو ناوچەی شاوەیس رووداویگ لەناوبەین ماشینیگ لە مارکەی گلایزەر و یەکیگ لە مارکەی گالوبەر بوی.
و دیاریکرد ک گلایزەرەگە کۆنتڕۆڵی لەدەس دەرچگ و روی وەرەو کنار جادەگە کرد، و لەو مەوقە دوو بازیگەر لە یانەی برایەتی لە چەوەڕی باس بوین، تا گلایزەرەگە هەردوگیان بتلنێد و زەخمداریان بکەێد.
