کوشیان بازرگان گەپیگ لە مادەیل هوشبەر لە کەرکوک
شەفەق نیوز/ پۆلیس پارێزگای کەرکوک، ئمڕوو چوارشەممە، خەوەردا کوشیان بازرگان گەپ ماددەێل هووشبەر وەلایەن هێزەێل ئەمنی دۊیایی شەرە تەقە لە مابەین هەردگ لا.
پۆلیس لە بەیاننامەێگ رەسیە ئاژانس شەفەق نیوز وت: دۊیای گردەوکردن زانیارەێلە لە جموجول بازرگان گەپ ماددەی هووشبەر لە پارێزگای کەرکوک، هێزەێل بەش دژ وە ماددەێل هووشبەر لە پارێزگای کەرکو و هێز وەرێوبەراتی هەواڵگێری و ئاساێش سەربازی کەرکوک، تەڵەی ئەمنی تۊنێگ ئەرای دانان و دەورەی بازرگان ماددە هووشبەرەگە دان و ئەرای فەرمان گردن دەرچوویە.
وەگورەی بەیاننامەگەی هێزەێل ئەمنی " دۈیای تەقە کردن وەلی کوشیایە" و باسکرد ئی بازرگان ماددەی هووشبەرە "تفەنگ ججوراوجور ئەڵگردبۊی وەگەرد نزیگەی نیم کیلو لە ماددەی هووشبەر (کریستاڵ) ".
وتیش، هەر خوەی وەرجە مانگی وە گوللە پەلامار هێزەێل پۆلیس دایە وەی مدووە دو ئەفسەر و ئەندامێگ زەخمدار کردیە.
