چەودیاریکردن زەویلەرزە: بەغدا و پارێزگایەیل دەوروگردی لە زەویلەرزە دویرن
جابر جابری وەرێەوبەر راگەیانن کەشناسی وە ئاژانس شەفەق نیوز وت " چالاکیەیل زەویلەرزە لە تورکیا تا ئیسە بەردەوامە شمارەی لەرزەیل رەسیەس ئەرا زیاتر لە 400 زەویلەرزە و تا ئیسەش وەردەوامە".
جابری تیش " بەغدای پایتەخت و بڕیگ پارێزگای نزیۆ دویرن لە کڕ زەویلەرزە و ئەنجام کاریگەریەیل زەویلەرزە قایمەگەی ک لە ناوڕاس و باشوور توورکیا رویدا" وتیش؛ ئەوەگ دویەشەو لە بەغدا رویدا زەویلەرزە نییە بەڵکم کاریگەری شەپوول زەویلەرزەگەی تورکیا بویە.
جابری وتیش" ئیمە ناوچەیلیگ دیریمن ک وەلایەن تووڕ توومارکردن زەویلەرزە دیاریکریانە وە دیارکریایی ناوچەیل بەشیگ لە باکوور و باکوور خوەرهەڵات عراقە و شمارەیگ ناوچە ک له راپۆرتەیل مانگانەمان دیاریکریانە ناوچەیل بان کڕ سنووڕن و قەزای عەلی غەربی و عەمارە و خانەقین و مەندەلی و چەمچەماڵ و جەلەولا و کەلار و چەن ناوچەیگ لە سلێمانی و بڕیگ ناوچە لە دیالە هانە بان کڕ زەویلەرزە باوجی سووکە بڕیگ هاوڵاتیەیل هەس وەپی نیەکەن و تەنانەت لەو وەختە هەس وەپی کریەێد نێەودە هووکار زەرەد مادی و گیانی".
