واران و داوەزین پلەی گەرمی.. کەشوهەوای عراق تا کۆتایی هەفتەگە
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای سوو سێشەممە، لە ناوچەی ناوڕاس رووشنە وەگەرد لەکە ئەوریگ، و لە بەشەیل خوەرئاوای نیمچە ئەورە وەگەرد دەرفەت واران و تریشقە، و پلەی گەرمی لە رووژ وەرجە خوەی بەرزترەو بوود، و لە ناوچەی باکوور نیمچە ئەورە تا ئەور تەواوە وەگەرد واران لە بەشەیل خوەرئاوای و جاروباریش تریشقە وەگەردی هەس، و پلەی گەرمی نزیک رووژ وەرجەخوەیە، و لە ناوچەی باشوور رووشنە وەگەرد لەکە ئەوریگ، و پلەی گەرمی چەن پلەیگ بەرزەو بوود.
بەیاننامەگە وتیش: کەشوهەوای رووژ چوارشەممە، لە ناوچەی ناوڕاس نیمچە ئەورە تا ئەور تەواو وەگەرد دەرفەت واران ناوڕاس تا رفتیگ، و جاروباریش تریشقە وەگەردی بوود، و پلەی گەرمی چەن پلەیگ لە رووژ وەرجە خوەی داوەزێد، و لە ناوچەی باکوور ئەورە وەگەرد دەرفەت واران ناوڕاس تا واران رفتیگ و تەگر وارێد و بوودە ئەور و تریشقە، و پلەی گەرمی چەن پلەیگ داوەزێد، و لە ناوچەی باشوور نیمچە ئەورە بوومە ئەور تەواویگ، وەگەرد نمە وارانیگ، جاروباریش بوودە ئەور و تریشقە، و پلەی گەرمی نزیک رووژ وەرجەخوەیە.
وتیش: رووژ پەنجشەممە، رووشنە تا نیمچە ئەوریگ، وەگەرد دەرفەت واران لە ناوچەیلیگ جیاجیا لە ناوچەی ناوڕاس، و پلەی گەرمی چەن پلەیگ داوەزێد، و لە ناوچەی باکوور نیمچە ئەورە تا ئەور تەواو وەگەرد دەرفەت نمە وارانیگ جاروبار لە چەن ناوچەیگ بوودە ئەور و تریشقە، و پلەی گەرمی چەن پلەیگ داوەزێد،و لە ناوچەی باشوور رووشنە وەگەرد لەکە ئەوریگ، و پلەی گەرمی نزیک رووژ وەرجەخوەیە.
دیاری کرد ک کەشوهەوای رووژ جمعەی ئایندە، لە گشت وڵاتەگە رووشنە وەگەرد لەکە ئەوریگ، و پلەی گەرمی لە ناوچەیل ناوڕاس و باکوور کەمیگ بەرزەو بوود، و لە ناوچەی باشوور نزیک رووژ وەرجەخوەیە.
