وینە.. وەرگری شارستانی لە مینەکردن بیسەروشۊنەیل ژیر رمیای "لەیلا" وەردەوامە

شەفەق نیوز/ تیمەیل وەرگری شارستانی لە بەغداد پایتەخت، هیمان وەردەوامن لە مینەکردن کراکارەیل بیسەروشۊن لەژیر رمیاگ چێشتخانەی "لەیلا" لەناوچەی جادریە، ک وەتەواوی خاپوور بوی. 

کامیرای ئاژانس شەفەق نیوز توومار تەقەلایل ئەندامەیل وەرگری شارستانی کرد هەنای لە مینەکردن ئەرا دراواردن تەرم کراکارەیل یا رزگارکردنیان وەردەوام بوین، ک تا ئیسە نیەزانن چەن کەس لەو رمیان چیشتەخانەگە بویەسە قوربانی.   

وەرجەیە، شەوەکی ئمڕوو یەکشەممە، سەرچەوەیگ ئەمنی، خەوەردا لە رمیان چیشتەخانەی (لەیلا) لە جادەی زەورا لەناوچەی جادریە لەوەر تەقینەوەی نادیاریگ.   

وەگورەی زانیارییەیل سەرەکی، تەقینەوەگە لە گیچەڵیگ لە سیستەم گازەگە بویە.   

لە مەوقەی توومارکردن تەقەلا و مینەکردنەگە، پەیامنێر ئاژانس شەفەق نيوز وت : تیمەیل وەرگری شارستانی تەرم یەکیگ لە کراکارەیل دراوردن.