وینە.. کەشوهەوای "مەریخ" چەن شاریگ عراقی پووشێد

شەفەق نیوز/ گەردەلۊل خوەڵوتوز سەختیگ، ئمڕوو دووشەممە، عراق گردە وەر، و نووڕستن ئاسۆیی نەیشت، و پەک دەوام لە چەن شاریگ خست.

خوەڵوتوزەگە هەمیش کاروانەیل ئاسمانی لە فڕۆکەخانەیل بەغداد و نەجەف وسان، وهەمیش تاقیکردنەوەی زانکۆ و پەیمانگایل خستە دویا. 

شارەزای کەشناسی عەلی جابر زیادی ئەرا ئاژانس شەفەق نیوز وت: خوەڵوتوزەگە لە وڵات شامەو هاتە عراق،  و ئاست نووڕستن رەسانە کەمتر لە ٣٠٠ مەتر.   

لە مانگ نیسان تا ئیسە،  عراق خوەڵوتوز پشتاوپشت وەخوەی دوینێد، و فرەجار خەسەخانەیل عراق تویشهاتنەیل تاسیان لەوەر ئەو خوەڵوتوزە وەرگرن، ک بەشیگیان رەسێدە مردن.