وینە.. ئەرا داواکردن مافەیل خاوەن بڕوانامە باڵاگان جادەیل بەغداد بڕن

شەفەق نیوز/ سەرچەوەیگ ئەمنی، ئمڕوو یەکشەممە، خەوەردا لە بڕین جادەگان لەبان پرد سنەک و وەرانوەر باڵاخانه‌ی پارێزگای بەغداد لەلایەن خاوەن بڕوانامە باڵاگان، ئەرا داواکردن مه‌زرانن  و وەدەسهاوردن مافەیلیان.

دەرچگەیل کولێژ و پەیمانگەگان و دەرچگەیل خوەنەواری باڵا وەردەوامبوین لە خۆپیشاندان لەوەردەم وەزارەت خوەنەواری باڵا، ولەنوای دەروازەی ناوچەی خەزڕا، ئەرا فەرمانبەرکردنیان لەپشت دەرچگنیان لە دامەزراوە خوەنەواریەگان و مەنینیان وەبی کار و مووچە.

موستەفا کازمی سەرۆک وەزیران، چوارشەممەی گوزەیشتە، چەویکەفتە بریگ لە مانگرتەگان لەنوای ناوچەی خەزڕا لە نزیگ پرد موعەلەق، وخوەیان ژمارەیگ لە درچگەیل کولێژ و پەیمانگەیل بوین، و گووشگرد لە داواکاریەگانیان و پەیمان وەجیهاوردنیان دا.