وینە.. پارچەیگ کۆنکریتی گیان دو کەس لە کەرکوک سینێد و بەرزەوبۊن ئامار قوربانیەیل تەقینەوەی کارخانەیگ لە مووسڵ
شەفەق نیوز/ دو کەس لە کەفتن پارچەیگ کۆنکریتی لە ماشینگ بارهەڵگر وەبان ماشینیان لە پارێزگای کەرکوک گیانیان لەدەسدان.
موقەدەم فازڵ حاجی قسەکەر هاتوچو پارێزگای هەولێر لە بەیاننامیگ ئمڕوو وت: لەبان ری کەرکوک – دووز ، لەوەر خاس نەوەسیان بار ماشینیگ بارهەڵگر، ک پارچەیل کۆنکریتی بۊ، پارچەیگ لەلیان کەفتە بان ماشینیگ تایبەت، ک بۊە هووکار کوشیان رانندەگە و کەسیگ لەشانی وەکوتپڕ.
لە چینیگتر، سەرچەوەیگ پزشکی ئەرا ئاژانس شەفەق نیوز وت: یەک مەدەنی لەوەر سزیانی لەناو تەقینەوەی ناو کارخانەی دارتاشی گیانی لەدەسدا، ک وەرجە چەن رووژیگ ئەو تەقینەوە لە ناوچەی خەزرەج لە مووسڵ کۆنە رۊ داگە.
یەیش دۊەم قوبانیە دۊای مردن مناڵیگ وەرجە ٢٤ ساعەت، تا ئامارەگە بڕەسێدە دو کوشیان و ١٩ زەخمدار. و هیمان شمارەیگ لەو زەخمدارەیلە هانە خەسەخانە و تەندروسییان نائارامە.
یەیشە وینەیل رۊداوەگەی کەرکوکە:
