وەزارەتیگ عراقی ئەرا نواگردن گەرمی کەفێدە ئامادەباشی
شەفەق نیوز/ عادل کەریم وەزیر کارەبا، ئمڕوو یەکشەممە، فەرمان وە گشت کادرویل وەزاتەگە وە ئامادەباشی دا ئەرا رەنج ئەندازیاری وهونەری وپیشەیی وئامیری ئەرا نواگردن گەرمی لە رووژەیل بانان.
وەگورەی بەیاننامیگ رەسیە ئاژانس شەفەق نیوز، کەریم فەرمان وە دەوامکردن وە ماوەی ٢٤ ساعەت تەواوی دا، ومەنین لەناو بارەگای فەدمانگەیل ولقەیل و کەرتەیل خاسەوکردن ئەرا وەزوی رەسین ئەرا هەر فریاکەفتنیگ وچارەکردنی وەشیوەیگ کوتپڕ.
هەمیش جەخت کرد لە وازکردن گشت ئەمار چشتەیل خاسەوکردن و چەودیریکردن لە زوورهاوردن لەبان بنکەیل کۆنتڕۆڵ بارەیل و هاوسەنگییان، وەگەرد رک لەبان وەردەوامی وەخشین خەسخانە و بنکەیل تەندروسی و پزشکی و پڕۆژەیل ئاو و ویستگەیل ئاوەڕۆ.
کەریم دیاری کرد ک وەزارەتمان وە رەنج فرە گرنگیگ کار کەێد، و گەشەی گەورەیگ لە کار سیستمەگە و ساعەتەیل کارەباداین ئەرا هاووڵاتییەیل وەدەس هاورد.
یەیش لە وەختیگ تیەێد ک بەش پیشپینیکردن کەشوهەوای دەزگای کەشوهەوا و زەویلەرزە، ئیوارەی دویەکە شەممە، مەزەنەی بەرزەوبوین پلەی گەرمی لە عراق کرد هەرلە ناوڕاس ئی هەفتەو.
