دویای زیقار.. ئیجا کارەبای بەسرە بڕیەێد

شەفەق نیوز/ سەرچەوەیگ لە پارێزگای بەسرە، ئمڕوو چوارشەممە، خەوەردا لە بڕیان کارەبا لە پارێزگای بەسرە وەشیوەی تەواوی.  

سەرچەوەگە ئەرا ئاژانس شەفەق نیوز وت: بڕین کارەباگە لەوەر ئەوە هات ک ویستگەیل باشوور لەکار کەفتن.          

وەرجەیە، سەرچەوەیگ لە پارێزگای زیقار ئەرا ئاژانس شەفەق نیوز وت: رویداویگ هونەری کەفتە بان گشت کڕەیل (132 ك ف) بیجگە کڕەیل (AT 10) ک پەکیان خست، وبویە هووکار بڕین ویستگەیل ناسریە، و ویستگەی باشوور ناسریە، وکڕەیل رمێلە، وکڕەیل خزر.  

سەرچەوەگە دیاری کرد ک ئی گیچەڵە بویە هووکار بڕین کارەبا لە ناسریە ودەورگردی وەشیوەی نیمچە تەواوی، لە وەختیگ تیمەیل خاسەوکردن مینەی زانستن هووکارەگە کەن تا خاسی بکەن.

ئی بڕین کارەبا وەگەرد توومارکردن پلەی گەرمی وە ئاستەیل پەیمانەیی تیەێد.