وەزیر دەرەوەی عراق گفتوگۆەیل فراوانیگ تا ماوەی دوو رووژ لە مۆسکۆ کەێد
شەفەق نیوز/ ئمڕوو پەنجشەممە، مۆسکۆ راگەیان ک سیرگی لافڕۆف وەزیر دەرەوەی رووسیا ئەوەسا لە ٢٥ ئی مانگە گفتوگۆەیلیگ وەگەرد فوئاد حسێن هاوشیوەی عراقیی ک ئەوەسا سەرادنیگ ئەرا ماوەی دوو رووژ کەێد.
ماریا زاخاڕوفا قسەکەر وەناو دەرەوەی رووسیا وت: ئەوەسا هەردوگ وەزیرەگە لە گفتۆگوەگان مۆسکۆ باس لە باوەتەیل ئیسە لە خشتەی کارەیل جهانی و هەرێمی کەن، وەگەرد جەختکردن لەبان رەوش سوریا و یەکلاکردنەوە لە خوەرهەڵات ناوڕاس، ولەناوچەی خەلیج و رەوشەگان یەمەن.
زاخاڕوفا وتیش: لافڕۆف ئەوەسا لە ٢٣ نۆڤەمبەر گفتوگۆەیلیگ وەگەرد محمد جەواد زەریف هاوشیوەی ئیرانیی کەێد، و ئەیە بوودە چوارەم سەردان لە زەریف ئەرا مۆسکۆ لەی ساڵە.
وتیش؛ پێشبینە ک گواستنەوەی راگان دەربارەی ژمارەیگ لە باوەتە ناودەوڵەتیەگان بوود، لەلیان رەوشەگە لە قەرەباغ، و دانانین پلان گشتگیریگ هاوبەش ئەرا چارەسەرکەردن باوەت بەڕنامەی نەوەوی ئیران، و رەوش سوریا، و ئەفغانستان، و ناوچەی خەلیج، و هەڵبەت باس لە باوەتە دووانیەگان کریەێد، و لەلیان هاوکاری بازرگانی و ئابووری، لە جیوەجیکردن پڕۆژە هاوبەشە سەرەکیەگان لە چین وزە و گواستنەوە و ئاسۆەیل بیناکردن پەیوەندیەیلیگ رووشنهویری و مرۆیی.
