کوشیان سەرۆک کۆمپانیایگ نەفتی دویای کەفتنی لە پەنجەرەی خەسەخانەیگ لە مۆسکۆ

شەفەق نیوز/ سەرچەوەیلیگ لە مۆسکۆ خەوەردان لە کوشیان رافێل ماگانۆف سەرۆک ئەنجومەن وەڕیەوبەرەیل کۆمپانیای لوک ئۆیڵ نەفتی، ئمڕوو پەنجشەممە، دویای کەفتنی لە پەنجەرەی خەسەخانەی ناوەندی شارەگە لە خوەرئاوای مۆسکۆ.

ئاژانس "تاس" لە زوان سەرچەوەیگ لە پۆلیس پایتەخت رووسیا وت: رویداوەگە لە ساعەت هەفت شەوەکی ئمڕوو پەنجشەممە لە خەسەخانەی ناوەندی لە جادەی مارشاڵ تیموچینکۆ بوی، هەنای پیاویگ لە پەنجەرەی قات شەشەم کەفتە خوار، و گیانی لەدەسدا.

سەرچەوەگە وتیش: ئیرنگە لێکۆڵینەوە لە رویداوەگە کریەێد.

لەلای خوەیانیش، میدیایل راگەیانن باس ئەوە کردم ک ئەو پیاوە ک لەو رویداوە گیانی لەدەسدا، سەرۆک ئەنجومەن وەڕیەوبەرەیل کۆمپانیای لوک ئۆیڵ نەفتی رووسیە، وەناو رافێل ماگانۆف.

ئاژانس "نوفوستی" لە زوان سەرچەوەیگ وت: شایەت ماگانۆف خوەی کوشتیە.