هاکەریگ چوودە ناو پرۆگرام "تەکسی" وجادەیگ لە رووسیا بەسێد

شەفەق نیوز/ هاکەریگ نەناسریاگ، چیە ناو پڕۆگرام تەکسی، و پەیام ناونیشانیگ ئەرا سەدان رانندەیل تەکسی لە مۆسکۆ وەیەک مەوقە کلکرد، ک هیشت ریوبانەگە لەناوڕاس شارەگە پڕ لە ماشین بوود.

کۆمپانیای "Yandex Taxi" رووسی، باس ئەو رویداوە کرد، و لەبەیاننامەیگ لەبان سایت "فۆربس" وە زوان رووسی وت: کەفتیەسە وەر پەلاماریگ سیبرانی، هاکەرەیل تەقەلا دانە پڕۆگرامەگە پەک بخەن، هەنای سەدان لە رانندەیل تەکسی داوای رویکردن وەرەو خود ناوچەگە ئەرایان هات.

مەردمیگ لەبان تویتەر وتن: لە ئەنجام ئی هاکە، ماشینەیل تەکسی روی وەرەو جادەی "Kutuzovsky Prospekt " کردن، ک جادەیگ سەرەکیە لە خوەرهەڵات وەرەو خوەرئاوا و رەسێدە پایتەخت رووسیا، و کەم جار ئی ریە قەرەباڵغ بوود، چوینکە پەلەیل فرەیگ دیرێد، وەگەرد ئەوەیش تا ماوەی ٤٠ خولەک ماشینەیل لەناو قەرەباڵغی گیر هاتن.