وەزیر تەندروسی عراق دەس لە پۆستەگەی کیشێدەو
2021-05-04T13:37:39+00:00
شەفەق نیوز/ حەسەن تمیمی وەزیر تەندروسی عراق، ئمڕوو سێشەممە، دەسکیشانەوی خوەی لە پۆستەگەی خستە وەردەس حکومەت عراقی، لە پشت رووداو سزانن خەسەخانەی ئبین خەتیب لە بەغداد.
سەرچەوەیگ لە ئەنجومەن وەزیرەیل ئەرا ئاژانس شەفەق نیوز وت: تمیمی لە دانیشتن ئیسەی ئەنجومەن وەزیران دەسکیشانەگەی خستە وەردەس موستەفا کازمی.
سەرچەوەگە وتیش؛ تا ئیسە گفتوگۆ لەبان داوای دەسکیشانەوەگە لەناو دانیشتنەگەی ئیسەی ئەنجومەنەگە نەکریاگە، و وتیش؛ لە کۆتایی دانیشتنەگە دەنگدان لەبان رازی بوین یا رەتکردنی کریەێد.
