سلێمانی داوا لە حکومەت کوردستان کەێد زویکردن لە خەرج مووچەیل وەزارەت تەندروسی
شەفەق نیوز/ وەڕێوبەرایەتی تەندروسی گشتی لە پارێزگای سلێمانی، ئمڕوو پەنجشەممە، داوا لە حکومەت هەرێم کوردستان کرد وەزوی خەرج مووچەی کادرە پزشکیەگان بکەێد لە وەزارەت تەندروسی، لەسای بڵاوبوین ڤایڕۆس کۆرۆنا.
دکتۆر سەباح هەورامی وەڕێوبەر تەندروسی پارێزگاگە لە کۆنگرەیگ رۆژنامەوانی ئمڕوو و ئاژانس شەفەق نیوز ئامادەی بوی وت: تەندروسی کەفتیەسە وەر سەختیەیلیگ لەوەر دیرکەفتن مووچەگان و رەوش ئیداری و داراییەگەی کەرتەگە لە پارێزگاگە خراوە، ومانگردن لەلایەن کادرە پزشکیاگان لە پارێزگاگە بوود.
هەورامی داوا لە حکومەت هەرێم کرد خەرج مووچەیل کادرە تەندروسیەگان بکەێد، چوونکە دیرکەفتن مووچەگان ریگری گەورایگ دروس کەێد لەنووای کەرت تەندروسی.
وەڕێوبەر تەندروسی سلێمانی هەمیش داوای فەرمانبەر کردن خۆبەخشەگان کرد ک لە خەسەخانەگان لە ماوەی گوزەیشتە کار کردن، و وتیش ئەمار خاسیگ لە پلازما دیریمن، و ئیسە رەوشە تەندروسیەگە لە نواگردن کۆڕۆنا لە سلێمانی ئارامە.
