تەندروسی کوردستان هووشداری لە رەسین ئەرا قۆناغەیل مەترسیداریگ کەێد

شەفەق نیوز/ وەزارەت تەندروسی لە هەرێم کوردستان، ئمڕوو دووشەممە، هووشداری لە بڵاوبوین ڤایرۆسەگە کرد، دویای ئەوە ک دوێەکە یەکشەممە نزیکەی هەزار تووشهاتن لە بەرزترین رێژەی ئی ساڵە لە چوار پارێزگای هەرێم تۆمار کرد.

وەزارەتەگە لەبەیانامەیگ بانگواز ئەرا ئەنجامدان تاقیکردنەوەی ڤایڕۆس کۆڕۆنا کرد ئەگەر نشانەیل پەتاگە دیار کەفتن یا نزیک تووشهاتگیگ بوی، ک تاقیکردنەوە ئەرا زوی ئاشکراکردن ودەرمان وەرگردن فرە گرنگە تا ری لەنوای بڵاوبوین بیماریەگە وەرەو قۆناغە سەختەکان بووریەێد.

لە وەخت بڵاوبوین ڤایرۆسەگە لە هەرێم، ١١٩٤٨٩ کەس تووش هاتگە، لەلیان ١٠٨٤٨٠ خاسەو بوینە، و ٣٦٤٢ مردنە، تا دوێەکە یەکشەممە.