کپەوکردن دوو ئاگر یەکیگ لە نەجەف و ئەوەکە لە کازمیە
شەفەق نیوز/ ئاگریگ لەناو خەسەخانەی فورات لە شار کووفە لە پارێزگای نەجەف، ئمڕوو چوارشەممە، هیز گرد.
وەڕێەوبەرایەتی وەرگری شارستانی لە بەیاننامیگ رەسیە ئاژانس شەفەق نیوز وت: رویداوەگە لەناو بەش فریاکەفتن لە خەسەخانەی فورات ناوڕاس/ بەش ئەمار بڵویزە کرد، ک رویداویگ فرە ئاسان بوی، و وەکوتپڕ کپەو کریا.
لە رویداویگتر، وەڕێەوبەرایەتیەگە لە بەیاننامیگ وت: تیمەیلی ناچار بوین لویلەیل ئاوەگە دڕا بکەن تا ئاگر ناو بینایگ سێ قاتی کپەو بکەن، ک کریاسە چیشتەخانە لە بازاڕ باب دەروازە لەناو کۊچەیل ناوچەی کازمیە لە بەغداد.
و دیاری کرد ک ری ئەرا وەناوچگن ماشینەیل ئاگرکپکردن ئەرا شوین ئاگرەگە نەوی چوینکە کویچەیل ناو بازاڕەگە تەنگە، ک ناچار بوین لویلەیل کپەوکردن ئەرا مەودای درویژیگ دڕا بکەن، ک تەکان ئاوەگە کەمەو کرد، وهیشت وەختیگ فرەتر لە کپەوکردن ئاگرەگە وەپی بچوود.
وتیش: تیمەیل وەرگری شارستانی کۆتایی وە ئاگرەگە هاوردن وەبی تووماکردن زەرەدەیلیگ گیانی وەگەرد کەمەوکردن زەرەدەیل دارایی.
