لە نەجەف.. چەکدارەیل لایەنیگ سیاسی چنە ناو ماڵەیل چالاکوانەگان
2021-02-07T08:32:53+00:00
شەفەق نیوز/ سەرچەوەیگ ئەمنی چەودیر لە پارێزگای نەجەف، ئمڕوو یەکشەممە، خەوەردا ک هێزیگ چەکدار سەروە یەکیگ لە لایەنە سیاسیەگان لە وڵاتەگە چگنە ناو چەن ماڵیگ لە ماڵەیل چالاکوانەگان لە پارێزگاگە.
سەرچەوەگە خەوەردار ئاژانس شەفەق نیوز کرد ک هێزیگ چەکدار سەروە یەکیگ لە لایەنە سیاسیەگان لە پارێزگاگە چگە ناو ماڵەیل چالاکوانەگان لە ناوچەی حەی عەدالە و ئەنسار و موهەندسین و قودس و نەسر لەناوڕاس نەجەف.
سەرچەوەگە دیاری کرد ک هێزەگە ٣ ماشین پیکاب و یەکیگ لەمارکەی پەهپەهان بوی.
وتیش؛ هێزە ئەمنیەگە نەتوێنست هیچ چالاکوانیگ بگرێد، وەلی باوگ چالاکوان ئەحمەد حلو لەجیای گرد.
