ئەرا دویەم رووژە نەجەف حاڵەت تویشبوین وە کۆرۆنا تۆمار نەکردگە
2020-05-07T12:08:46+00:00
شەفەق نیوز/ دەزگاى تەندروستى نەجەف، ئاشکراى ئەوە کرد ئەرا دویەم رووژە لەبان یەک، هویچ تویشبوینیگ وە ڤایرۆس کۆرۆنا تۆمار نەکردگە.
دەزگاى تەندروستى نەجەف لە بەیاننامەیگ ئەرا شەفەق نیوز وت: تاقیگاى گشتى تەندروستى لە نەجەف پیرووز 279 وشکانن ئەرا حاڵەتەیل گۆمانلیکریاێ ئەنجام داگە، لەلیانیش 61 وشکانن وە شیواز PCR و 218 وشکانن لە چوارچیوەى پلان هەڕەمەکى و 18 وشکانن تر لە میوانداریى دەزگاگە.
بەیاننامەگە وت: لەو وشکاننەکەیلە دەرکەفتگە هویچ حاڵەتیگ تویشبوین وە ڤایرۆسەگە نیە.
