پویچەڵکردن دزی چەکدارانەیگ لەبان ماڵ «ئەفسەر گەورایگ» لە بەغداد و گردن دزەگە
شەفەق نیوز/ هێزیگ سەروە ئاژانس هەواڵگری لە وەزارەت ناوخۆ، ئمڕوو دووشەممە، توێنست دزی چەکدارانەیگ لەبان ماڵ ئەفسەر گەورایگ لە بەغداد پایتەخت پوێچەڵ بکەێد.
بەیاننامەیگ لە هەواڵگری رەسیە ئاژانس شەفەق نیوز وت: دویای وەرگردن خەوەرداین لە دزییگ چەکدارانە لەبان ماڵ ئەفسەریگ وە پلەی عەقید لەناوچەی زەیونە لە بەغداد، و دزیکردن پویل و تڵا، وەکوتپڕ تیمیگ لە مەفرەزەیل ئاژانس هەواڵگری لە وەڕێۆبەرایەتی هەواڵگری پۆلیس فیدڕاڵی لە وەزارت ناوخۆ دروسکریا.
بەیاننامەگە وتیش؛ دویای خەسەوکردن تەقەلاگان و لەوەختیگ پەیمانەیی دوو ساعەت وەپی چگ، دەسوەسەر توومەتبارە دزەگە کریا و چشتە دزییەگان لەلای بوی، ک دوو کلوانک و ٦ دەسوینک تڵا و بایی ١٠٠٠ دۆلار و ٥٠٠٠٠ هەزار دینار پویل بوین.
بەیاننامەگە ئاماژە کرد ک قسەیل توومەتبارەگە واژوو کریان و هەواڵەی لایەنە پەیوەندیدارەگان کریا ، و چشتە دزیکریایەگان دریانە خاوەنیان.
