کپەوکردن ٣ ئاگر لە ناوچەیل جیاجیا لە دیالە
شەفەق نیوز/ وەڕێەوبەرایەتی وەرگری شارستانی، ئمڕوو یەکشەممە، راگەیان کپەوکردن ٣ رۊداو ئاگر لە ناوچەیل جیاجیا لە پارێزگای دیالە.
وەڕێەوبەرایەتیەگە لە بەیاننامیگ رەسیە ئاژانس شەفەق نیوز: مەفرەزەیلمان لە بنکەی بەعقوبە جدیدە ئاگریگ لەناو ئەماریگ دڵنگ و ناوماڵە کپەو کردن وە ساندویچ پەنەڵ دروس کریاگە، لەناو ماڵیگ لە ناوچەی گاتون.
ودیاری کرد ک رۊداوەگە لەوەر شۆرتیگ کارەبایی بۊە، و تیمەیلە ئەو ئاگرە وەشیوەیگ لیشەیی ووەخت کوڵیگ کپەو کردن، و نەیشتن ئاگرەگە فراوانەو بوود.
لەناحیەی بوهرزیش، تیمەیل وەرگری شارستانی تۊنستن ئاگر ناو بووسانیگ ١٠ دۆنەمی کپەو بکەن، و هەمیش ٣٠ دۆنەم لە ئاگرەگە قورتار کردن.
وەرگری شارستانی وتیش: ئاگریگ لە ناحیەی کەنعان لەناو پڕۆژەی دارسان کەنعان لە ئاوای قەنبەر هەڵسیا، و وەگورجی بەرزیگ و وەخت کوڵیگ ئەو ئاگرە کپەو کردن.
