زیاتر لە ٧٥ دۆنەم کشتوکاڵی لە دیالە سزیەێد
2021-06-24T11:44:52+00:00
شەفەق نیوز/ وەرپرسیگ حکومەتی لە دیالە، ئمڕوو پەنجشەممە، خەوەردا ک ئاگرەیلیگ لە شوین یەک زیاتر لە ٧٥ دۆنەم لە باخەیل ناحیەی وجێهیە سزانن.
حاتەم عەبد تمیمی وەڕێۆبەر ناحیەیەگە ئەرا ئاژانس شەفەق نیوز وت: ئەو ئاگرەیلە ک وەرجە ٥ رووژ و دوێەکە لەناو باخەیل هەڵسیان، زیاتر لە ٧٥ دۆنەم لە باخەیل ناحیەگە سزانن، و تا ئیسە وەردەوامە.
تمیمی دووپات کرد ک ئەو ئاگرەیلە لەوەر کپەونەکرنیان وە شیوەی خاسیگ دووارەو بوین، و دیاری کرد ک تیمەیل وەرگری شارستانی لە کپەوکردنی وەردەوامن تا نەڕەسێدە باخەیلیگ تر.
