وەردەوامی لە داوەزین نرخ دۆلار لە بەغداد
2022-02-20T13:28:38+00:00
شەفەق نیوز/ دۊای چەن ساعەتیگ لە وازکردن بازاڕ بەغداد، ئمڕوو یەکشەممە، نرخ دۆلار ئەمریکی وەرانوەر دینار عراقی لە بەغداد پایتەخت داوەزینی وەردەوام بۊ.
پەیامنێر ئاژانس شەفەق نيوز وت: نرخ دۆلار بۆرسەی کیفاح و حارسیە لە بەغداد پایتەخت لە ساعەت ٣ی ئیوارەی ئمڕوو رەسیە ١٤٤٣٠٠ دینار عراقی وەرانوەر ١٠٠ دۆلار ئەمریکی.
شەوەکی ئمڕوو نرخ دۆلار رەسیە ١٤٥٤٠٠ دینار عراقی وەرانوەر ١٠٠ دۆلار ئەمریکی.
پەیامنێرمان وتیش؛ نرخ فرووشتن و سەنین لە دوکانەیل ناوخۆیی بەغداد داوەزیا ک نرخ فرووشتن رەسیە ١٤٣٥٠٠ دینار عراقی وەرانوەر ١٠٠ دۆلار ئەمریکی، و نرخ سەنینی رەسیە ١٤٥٥٠٠ دینار عراقی.
