داوەزین دۆلار لە بەغداد وئارامگرتنی لە هەولێر
شەفەق نیوز/ نرخ دۆلار ئەمریکی وەرانوەر دینار عراقی وەشیوەی کەمیگ لە بۆرسەی سەرەکی بەغداد پایتەخت بەرزەو بۊی، و لە هەرێم کوردستان ئارام گرت.
پەیامنێر ئاژانس شەفەق نيوز وت: بۆرسەی کیفاح و حارسیە لە بەغداد ک بەشیگیان دەرەیلیان واز کردن، شەوەکی ئمڕوو ١٤٧٢٥٠ دینار وەرانوەر ١٠٠ دۆلار ئەمریکی توومار کردن.
دۊیەکە شەممە، نرخ دۆلار رەسیە ١٤٧٣٠٠ دینار عراقی وەرانوەر ١٠٠ دۆلار ئەمریکی.
پەیامنێرمان وتیش نرخ فرووشتن و سەنین لە بازاڕە ناوخۆیەیلەی بەغداد ئارام گرت ک نرخ فرووشتن رەسیە ١٤٧٧٥٠ دینار وەرانوەر ١٠٠ دۆلار ئەمریکی، و نرخ سەنینی رەسیە ١٤٦٧٥٠ دینار وەرانوەر ١٠٠ دۆلار ئەمریکی.
لە هەولێر پایتەخت هەرێم کوردستان، نرخ دۆلار ئارامی وەخوەی دی ک نرخ فرووشتن رەسیە ١٤٧٥٠٠ دینار وەرانوەر ١٠٠ دۆلار ئەمریکی، و نرخ سەنینی رەسیە ١٤٧٠٠٠ دینار وەرانوەر ١٠٠ دۆلار ئەمریکی.
