هووشداری نوویگ ئەرا عراق لە تەندروسی جهانی
شەفەق نیوز/ رێکخراو تەندروسی جهانی لە عراق، ئمڕوو چوارشەممە، هووشداری کرد لە زیایبوین ژمارەی تووشهاتنەگان وە ڤایڕۆس کۆڕۆنا لە وڵاتەگە وەگەرد هاتن وەرز زمسان، وەداوەزین پەلی گەرمی.
ئەوەیش لە گۆنگرەیگ رۆژنامەوانی لەلایەن دکتۆر ئەدهەم ئیسماعیل نۆێنەر رێکخراوەگە لە عراق وەگەرد دکتۆر نەزار عسمەت وەڕێۆبەر تەندروسی لە پارێزگای دهۆک، لە رسوومەیل کۆتایی خول هووشیارکردنەوە لە مەترسیەیل کۆڕۆنا و چوینیەتی مقەیەتی لەلی لەناو کامپەیل دهۆک.
دکتۆر ئیسماعیل لە کۆنگرەگە وت: پارێزگای دهۆک، لە دویای بەرزەوبوین ژمارەی تووشهاتنەگان رەدبویە قۆناغەیل سەختیگ، بەڵکم رەوشەگە دیرێد خاسەوبوود وە پەی خزمەتگوزاریە پزشکیەگان، و کردنەوەی خەسەخانەیل نوویگ و خولەیل هووشیاری، و مەزەنەی زیایبوین ژمارەگان کرد لەوەر داوەزین پلەی گەرمی.
وتیش؛ ئەوەسا رێکخراوەگە تەقەلایلی ئەرا هووشیاری و پێشکەشکردن خزمەتگوزارییە پزشکیەگان و دەسمیەتی هاووڵاتییەگان تا وەپشتسەرناین قەیرانەگە وەردەوام کەێد.
