تەندروسی جهانی رووژەیلیگ دیاری کەێد ک هووکار بوین لەزیایبوین کۆرۆنا لە عراق

شەفەق نیوز/ دکتۆر ئەدهەم ئیسماعیل نوێنەر رێکخراو تەندروسی جهانی لە عراق، ئمڕوو چوارشەممە، راگەیان ریژەی تووشهاتنەگان وە ڤایڕۆس کۆڕۆنا دەسکردە بەرزەوبوین لە وەخت جەن قوربان.
ئیسماعیل لە گۆنگرەیگ رۆژنامەوانی وەگەرد هەفاڵ ئەبو بەکر پارێزگار سلێمانی، و دکتۆر سەباح هەورامی وەڕیوبەر تەندروسی پارێزگاگە، ئمڕوو، وت: رێژەی تووشهاتنەگان وە ڤایڕۆس کۆڕنا لە عراق لە رووژەیل جەژن قوربان لە عراق بەرزەوبوی.
وتیش: چارەسەری ئەرا پەتاگە پەیا نەکریا، ئەراوە بایەسە ژیانەگە وەشیوەیگ سروشتی وەڕیەو بچوود، وبایەسە ئاڵشبوینیگ لە ژیان مردم بوود و بایەسە دامامەک بوودە بەشیگ لە ژیان خیزان، و بایەسە گشتی پابەندبوود وەدویرەو کەفتن کۆمەڵایەتی.
ئیسماعیل هەمیش وت: رێژەی مردنەگان لە سڵیمانی بەرزەوبوی بەڵکم ئیسە وەشیوەیگ گشتی و وەبەراوردی وەگەرد جهان ریژەگە سروشتیە.