ئەرا نواگردن ڤایڕۆس کۆرۆنا عراق بڕیارەیل نوویگ دەێد
2020-07-26T14:18:00+00:00
شەفەق نیوز/ دەسەی باڵا ئەرا نواگردن ڤایرۆس کۆرۆنا لە عراق، ئمڕوو یەکشەممە، کۆمەڵیگ بریار نوو راگەیان ئەرا نواگردن ڤایڕۆس کۆرۆنا.
تەلەفزیۆن فەرمی عراق باسکرد ک دەسەی باڵای تەندروسی و سەڵامەتی بڕیاردا لە دووارە کردنەوەی '' عەیادە'' تایبەتەگان وەمەرجەیل سەختیگ. و هەمیش دەسەی باڵا رینما دا وە ئاسانکاری وەناوهاتن ئۆکسجین لە سنوور عراق وەل کوەیت.
و دەسەی باڵا ریدا وەبەرهەم هاورەیل لە کەرت تایبەت وە هاوردنەوەی ئۆکسجین لە دەیشت عراق.
خەسەخانەیل عراق لە کەمی ئۆکسجین ئەرا چارەسەرکردن تووشهاتگەیل کۆرۆنا زیان وەخوەیان دین، لە سای زیایبوین ژمارەی تووشهاتنەگان وە بیماریەگە.
وەزارەت تەندروسی و ژینگە دویەکە شه‌ممە خه‌ور له دیاریکردن دەور ٣٠٠٠ تووشهاتن وە ڤایڕۆس کۆڕۆنا، و خاسەوبوین ٢٠٤٩ کەس لە ماوەی ٢٤ ساعەت لە گشت وڵاتەگەدا.
